Túrkistan oblysynda medısınalyq mekemelerdiń birinde qaraýyl bolyp jumys isteıtin adamnan 2 myńnan astam «Tramadol» tabletkasy tárkilengen, dep habarlaıdy Egemen.kz Polisia.kz-ke silteme jasap.
Ordabasy aýdanynda polısııa qyzmetkerleri Arys aýdany turǵynynyń basqarýyndaǵy Toyota Camry avtokóligin toqtatqan.
«Tintý kezinde jedel ýákilder avtomobıl salonynan 120 tramadol tabletkasy bar 4 polıetılen paketin tárkiledi. Sonymen qatar kúdiktiniń turǵylyqty jerinen psıhotroptyq zat tabletkalary bar taǵy 1 paket tabyldy. Alynǵan preparattyń jalpy sany – 2416», delingen habarlamada.
Anyqtalǵandaı, kúdikti Arys aýdanyndaǵy medısına mekemeleriniń birinde qaraýyl bolyp jumys istegen. Osylaısha, dáriger beretin resept blankilerin paıdalanyp, «Tramadoldy» satyp alý úshin Shymkent qalasyna barǵan.
Qazirgi ýaqytta atalǵan fakti boıynsha sotqa deıingi tergeý júrgizilip jáne barlyq mán-jaı anyqtalyp jatyr.