Taldyqorǵan qalasynda áleýmettik osal top ókilderi ret-retimen turǵyn úıge qol jetkizip jatyr. Elektrondy kezek eshkimdi alalamaıdy. Bári qala basshylyǵynyń qadaǵalaýynda tur. 2024 jyly óńirde turǵyn úı qurylysyna 7,6 mlrd teńge bólindi. Qarjy 56 kópqabatty, 214 jeke turǵyn úı salýǵa baǵyttaldy. Sóıtip, oblys ortalyǵynda birneshe otbasy qonystoıyn toılap, talaı jyldan beri kútken páterine kirdi.
2024 jyly Jetisý oblysynda halyqtyń áleýmettik osal toptaryna 866 páter satyp alyndy. Oǵan bıýdjetten 15,9 mlrd teńge qarjy bólindi. Sonyń nátıjesinde 57 otbasy úıli boldy. Taldyqorǵanda 37 jańa páterdiń, Sarqan qalasynda 20 jeke turǵyn úıdiń kiltteri tapsyryldy. Qala ákimi Ernat Bázildiń aıtýynsha, jańa aýdandarda salynyp jatqan budan da basqa kópqabatty turǵyn úıler kóp uzamaı óz ıesin tabady.
Oblys ortalyǵynda qurylys jumystary qarqyndy júrip jatyr. О́ńir basshysy Beıbit Isabaev apatty turǵyn úı máselelerin sheshýge erekshe nazar aýdaryp otyr. Byltyr oblysta 348 páter apatty dep tanylyp, 1,3 mlrd teńgege 137 páter satyp alynǵan. Jergilikti bıýdjetten bólingen 2,4 mlrd teńgege, atap aıtqanda, Kerbulaq aýdanynda, Tekeli, Taldyqorǵan qalalarynda 155 jańa páter satyp alyndy. Sondaı-aq «Samuryq-Qazyna UÁQ» AQ demeýshileriniń esebinen 560 páterlik 9 úı salynyp jatyr.
Sarqan aýdany ákimdiginiń habarlaýynsha, aýdan ortalyǵynda baspana salý máselesine keıingi jyldary basa nazar aýdarylyp, aýqymdy jumystar atqaryldy. «2022 jyly turǵyn úı kezeginde turǵan azamattar úshin 5 qabatty 50 páterli úı, 2023 jyly «Bolashaq» shaǵyn aýdanynda eki qabatty 20 páterli turǵyn úı qoldanysqa berildi. Buǵan qosa, aýdannyń áleýmettik osal toptaǵy azamattary úshin 24 turǵyn úı satyp alyndy. 2024 jyly 20 úıdiń kilti tapsyrylsa, jańa jyl qarsańynda osy úlgidegi 30 turǵyn úıdiń qurylysy aıaqtalyp, qoldanysqa berildi», dedi Sarqan aýdanynyń turǵyn úı-kommýnaldyq sharýashylyǵy, avtomobıl joldary, jolaýshylar kóligi jáne turǵyn úı ınspeksııasy bóliminiń basshysy Áset Qanapııanov.
Jańa úıge ıe bolǵandar qatarynda jetim balalar, múgedektigi bar balany tárbıeleýshi otbasylar, múgedektigi bar azamattar, kópbalaly analar, tolyq emes otbasylar, Ekinshi dúnıejúzilik soǵystyń ardagerlerine teńestirilgender bar.
О́ńir ákimi baspasóz qyzmetiniń málimetinshe, 2024 jyly óńirde 2 708 páter ıesin tapty. Onyń 1113 páterlik 129 úıi bıýdjet esebinen, 469 páterlik 9 úı kommersııalyq turǵyn úı, 866 páter turǵyn úı satyp alý arqyly, 260 páterlik 4 úı demeýshiler esebinen berilgen.
Jetisý oblysy