2024 jyly zańdy tulǵalardyń bankterdegi salymdarynyń portfeli 17,9 trln teńgege jetip, 22,1%-ǵa artty. Bıznes salymdarynyń 89%-y úzdik 10 bankte jınaqtalǵan: 15,9 trln teńge. Jyldyq ósim — 22,8%. Demek kásipkerler óz qarajatyn senimdi, synnan ótken qarjy ınstıtýttarynda saqtaýdy jón kóredi degen sóz.
Zańdy tulǵalar salymynyń jyldyq ósimi boıynsha «Bereke Bank» absolıýtti kóshbasshy atandy: salymdar birden 51,8%-ǵa artyp, jyl basynda 857,3 mlrd teńgege deıin jetti. Bank salymdarynyń portfeli tepe-teńdigimen erekshelenedi: ondaǵy bıznes salymdary 56,8%-dy quraıdy, al qarjy ınstıtýtynyń ózi korporatıvtik jáne bólshek segment baǵytynda da jumys isteıdi.
Úzdik bankter arasynda zańdy tulǵalardyń salymdarynyń jyldyq ósimi boıynsha «Bank RBK» ekinshi orynǵa jaıǵasty: salymdar 47,6%-ǵa artyp, 1 trln teńgege deıin jetti. Atalǵan qarjy ınstıtýtynda bıznes-depozıtter salymdardyń 61,2%-yn quraıdy.
Úzdik úshtikti «Sentr KredıtBanki» túıindeıdi: salymdar jylyna 42,2%-ǵa artyp, jyl basyna qaraı 2,5 trln teńgege deıin jetti. Bıznes salymdary banktiń depozıttik portfeliniń 46,9%-yn quraıdy. Sondaı-aq «Shınhan Bank Qazaqstan» (+35,6%), «ForteBank» (+32,1%) jáne «Kaspi Bank» (+26,4%) sııaqty sektordaǵy iri bankterdiń bıznes salymdarynyń portfelderi sektor boıynsha jyldam ósti.
Jalpy, sektor boıynsha eldegi 21 ekinshi deńgeıli banktiń (EDB) 19-y, onyń ishinde atalǵan barlyq úzdik 10 bank oń kórsetkishke qol jetkizdi. Bıznes salymdar portfeli qarqyndy túrde ósip jatyr. Máselen, bes jyl burynǵy kezeńmen salystyrǵanda, aǵymdaǵy kórsetkish 2,1 ese, on jyldyq dınamıkada 2,6 ese ósken.
«Bank sektoryna, atap aıtqanda, bıznes-salymdar segmentinde baıqalǵan oń dınamıka bolashaqta da saqtalýǵa tıis, sebebi retteýshiler men halyqaralyq agenttikterdiń sıfrlary da, oń baǵalary da osyny meńzeıdi. Mysaly, «S&P Global Ratings» óziniń BICRA reıtınginde eldiń pozısııasyn kóterdi: sarapshylar bank sektorynyń táýekelderin baǵalaýdy «8» tobynan «7» tobyna deıin jaqsartty. EDB salymdarynyń jıyntyq portfelinde zańdy tulǵalar depozıti 42,2%-dy quraıdy, ótken jyldyń basynda bul kórsetkish 41,8% bolsa, bes jyl buryn 48,2%-ǵa teń boldy», dep málimdeıdi «Ranking» sarapshylary.