«Samuryq-Qazyna» AQ-nyń biryńǵaı qaıyrymdylyq operatory – «Samruk-Kazyna Trust» qory «Aq Mergen» qoǵammen baılanys salasyndaǵy XII otandyq syılyqpen marapattaldy. Qordyń «Charity Samruk Marathon – 2024» jobasynyń nátıjesi men kommýnıkasııalyq strategııasy úzdik baǵalanyp, «Qaıyrymdylyq» atalymynda alǵa ozdy. Mártebeli syılyq bıyl 12-ret uıymdastyrylyp otyr. Qoǵammen baılanysty nyǵaıtýǵa baǵdarlanǵan bedeldi baıqaýdyń maqsaty – otandyq PR naryǵyn damytý.
«Charity Samruk Marathon – 2024» qaıyrymdylyq marafony byltyr maýsym aıynda Balalardy qorǵaý kúnine oraı Astanada uıymdastyrylyp, oǵan 1 200-den astam adam qatysty. Sharada 127 mln teńge qaıyrymdylyq qarajaty jınalyp, Astananyń 5 mektebinde ınklıýzııany qoldaý kabınetteri ashylǵan bolatyn. Marafondaǵy bul tabysty tájirıbe odan ári jalǵasyp, elordada taǵy 5 mektepte ınklıýzııa kabınetteri jabdyqtaldy. Igi istiń sharapatyn 500-den astam erekshe bala kórip, bilim men damý úshin qolaıly orta quryldy. Osylaısha, mektepterdegi erekshe bilim berý qajettiligi bar balalardyń 16%-y ınklıýzıvti bilimmen qamtyldy.
Sonymen qatar kabınetterdiń tujyrymdamasy qor jáne ınklıýzııa sarapshylarymen jetildirilip, open space formatynda defektolog, logoped, psıholog úshin arnaıy aımaqtar jáne jeke emdik deneshynyqtyrý kabıneti ázirlendi. Qaıyrymdylyq marafony bıyl da jalǵasady. Buqaralyq sharany mamyr aıynda elordada ótkizý josparlanyp otyr. Jınalǵan aqsha Astana mektepterinde jańa ınklıýzııa kabınetterin ashý sııaqty ıgi maqsatqa baǵyttylmaq.
«Jalpy, «Samuryq-Qazyna» qoldaýymen alǵashqy marafon 2023 jyly ótkizilip, qordyń 15 jyldyǵyna arnalǵan bolatyn. О́tken jyldan beri is-shara qaıyrymdylyq baǵytty ustanyp, kóptiń úlesimen erekshe balalarǵa zor qoldaý kórsetip keledi. Osy jylǵy marafondy barsha el azamattary qoldap, jaqsy iske úles qosýǵa shaqyramyn», deıdi «Samruk-Kazyna Trust» qorynyń bas dırektory Alfııa Adıeva.
Buqaralyq sportty jáne sporttyq ınfraqurylymdy damytý – qordyń áleýmettik jaýapkershiligindegi basym baǵyttardyń biri. «Samuryq-Qazyna» qoldaýymen 10 oblysta 13 sport kesheni ashyldy. 2024 jyldyń sońynda Qyzylordada ústel tennısi ortalyǵy, Túrkistanda Bekzat Sattarhanov atyndaǵy sport kesheni, Pavlodar, Qostanaı oblystarynda aýa-tirek qurylymyndaǵy sport nysandary esigin aıqara ashty. Sonymen birge 21 eldimekende 1 100 erekshe balaǵa arnalǵan 90-ǵa tarta ınklıýzıvti sport seksııalary jumys isteıdi.
2024 jyly «Samruk-Kazyna Trust» qory 36 mlrd teńgeden astam somaǵa 41 qaıyrymdylyq jobaǵa qoldaý kórsetip, 700 myńnan astam azamat kómek aldy.