Taldyqorǵandaǵy «Asar» múgedekterge arnalǵan sporttyq-ońaltý ortalyǵy kópke málim. Oǵan respýblıkanyń túkpir-túkpirinen em izdep kelýshiler kóp. Áleýmettik ortalyq múmkindigi shekteýli jandardyń jaǵdaıyn eskere otyryp, múgedekterge kóshpeli ońaltý sharalaryn júrgizýdi qolǵa alǵan. Joba aıasynda mamandar emdelýshilerdiń úıine baryp, ýaqytyna saı qyzmet kórsetedi.
Bilikti sala mamandary taǵdyrdyń taýqymetin tartqan jandarmen túngi ýaqytta da jumys isteıdi. Áleýmettik jobanyń mańyzdylyǵy da sol. Em-sharalar ádettegideı «Asar» múgedekterge arnalǵan sporttyq-ońaltý ortalyǵynyń bazasynda ótedi. Igilikti iske oblystyq jumyspen qamtýdy úılestirý jáne áleýmettik baǵdarlamalar basqarmasy muryndyq bolǵan. «Asar» ortalyǵynyń dırektory Eldos Baıalyshbaevtyń aıtýynsha, joba ortalyqqa ózdiginen kele almaıtyndar úshin asa paıdaly.
«Biz jumys barysynda múgedektigi bar adamdardyń kópshiligine ońaltý ortalyǵyna kelýdiń qıyndyq týǵyzatynyn baıqadyq. Kúndizgi ýaqytta keıbireýler jumysta bolsa, keıbirine úılerinen ortalyqqa jetý ońaı emes. Sondyqtan osy kóshpeli ońaltý jobasyn qolǵa aldyq. Mańyzdy bastamamyzǵa oblys basshylyǵy qoldaý bildirdi», dedi E.Baıalyshbaev.
Jalpy, baǵdarlamada pasıentterdiń eki toby qamtylǵan. Atap aıtqanda, kúndizgi sharalar ózdiginen qozǵala almaıtyn azamattarǵa baǵyttalyp otyr. Saǵat 21-den 23-ke deıin túngi top jumys isteıdi. Bul ýaqyt aralyǵynda kúndiz jumysta bolatyndyqtan ortalyqqa kele almaıtyn múgedek azamattarǵa em-sharalary júrgiziledi. Jobanyń ereksheligi sol, mamandar pasıentterdiń úıine baryp, olarǵa saýyqtyrý massajy men emdik jattyǵýlar jasatady. Ár seans shamamen bir saǵatty alady, ár pasıentpen jeke jumys júrgiziledi. Kóshpeli brıgada quramynda massajıst, emdik dene shynyqtyrý nusqaýshysy men júrgizýshi bar. Bul rette mamandardyń jumysyna qolaıly jaǵdaı jasaý maqsatynda arnaıy tańbalanǵan avtokólik satyp alynǵan. Taldyqorǵandyq otbasylar kóshpeli ońaltý sharalarynyń ıgiligin alǵashqylardyń biri bolyp kórdi.
«Zaıybym Anar 11 jyl buryn ınsýlt aldy. Úshinshi qabatta turamyz, arnaıy kótergish joq bolǵandyqtan, syrtqa shyǵý, ońaltý ortalyǵyna barý qıyndyq týǵyzady. Qazir úıimizge kelip, ońaltý qyzmetin kórsetip jatyr. Bul bizge óte qolaıly. Mamandardyń tıisti em-sharalaryn jasap jatqanyna on kúndeı boldy. Osy bastamany iske asyryp jatqan azamattarǵa alǵys aıtamyz», dedi A.Basshyǵulovanyń jubaıy Qanat Qosýhanov.
Taldyqorǵan qalasynda ornalasqan ortalyqta negizinen omyrtqanyń túrli jaraqatynan, ınsýlttan, balalardyń serebraldy saldyǵy, I-III toptaǵy múgedektikten keıin ońaltý júrgiziledi. Memlekettik tapsyrys arqyly oblystyq bıýdjetten halyqtyń joǵaryda atalǵan toptaryndaǵylarǵa osy ortalyqta tegin negizde ońaltý qyzmetterin kórsetý úshin 80 mln teńge bólingen. Jylyna 400-ge deıin adam qabyldaıdy. Munda adamnyń qaıtadan aıaǵynan tik turýyna kómektesetin álemniń túrli elinen ákelingen zamanaýı jabdyqtar ornatylǵan.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ermek Mızambaevtyń aıtýynsha, joba – teń múmkindikter qoǵamyn qalyptastyrýǵa jasalǵan ıgi sharanyń biri. Jyl sońyna deıin osyndaı qyzmet túrimen 200-den astam adamdy qamtý josparlanǵan. Aldaǵy ýaqytta kóshpeli ońaltý toby oblys ortalyǵy mańyndaǵy aýdandarǵa da shyqpaqshy. Jobany júzege asyrýǵa jergilikti bıýdjetten 30 mln teńge bólingen. Qarajat jobaǵa tartylǵan mamandarǵa, ıaǵnı kólik júrgizýshi, emdik dene shynyqtyrý nusqaýshysy men massajıst mamannyń jalaqysyna jumsalady.
«Sporttyq-ońaltý ortalyǵynyń joǵary tehnologııalyq jabdyqtary erekshe. Mysaly, ıspandyq ekzoskelet adamǵa qaıtadan júrýdi úırenýge kómektesedi. «Bul salmaǵy nebári 17 kg bolatyn model, reseılik óndiris modeliniń salmaǵy – 46 kg. Elimizde mundaı model joq, bul úlgi qozǵalys datchıkteriniń fýnksııasyna ıe. Trenajerdiń quny shamamen 107 mln teńge», dep túsindirdi ortalyq dırektory.
Zamanaýı emdeý jabdyqtarynyń taǵy biri – «Lýna» kópfýnksıonaldy robottanǵan ońaltý júıesi. Erekshe trenajer nevrologııalyq, ortopedııalyq patologııasy bar, bastan ótkergen jaraqattary men aýrýlaryna baılanysty qozǵalys buzylystary bar naýqastardy emdeıdi. «Asar» ortalyǵynda AQSh, Japonııa, Germanııa, Italııa, Ulybrıtanııa, Ispanııa, Polshadan ákelingen eresekter men balalardy ońaltýǵa arnalǵan 30-dan astam trenajer men arnaıy jabdyqtar bar.
О́ńir ákimi baspasóz qyzmetiniń málimetinshe, oblysta múgedek jandarǵa arnalǵan ǵımarattardy ınfraqurylymmen qamtamasyz etý 69%-dy qurap otyr. Bul – respýblıkadaǵy eń joǵarǵy kórsetkish. Bıyl memlekettik jáne jekemenshik mekemelerdiń shamamen 195 nysanyn beıimdeý josparda bar. Oblys kóleminde qazir ınvataksı sany 32-ge jetti.
Jetisý oblysy