Osy kúnderi Tájikstanda Naýryz merekesine oraı «Navruz Youth World Festival» búkilálemdik jastar festıvali ótip jatyr, dep habarlaıdy Egemen.kz.
Is-sharada 26 eldiń jastary bas qosqan. Mádenıet jáne aqparat mınıstrliginiń málimetinshe, halyqaralyq festıval mádenı sabaqtastyqty damytý, Naýryz meıramyn jańarý men dostyqtyń sımvoly retinde nasıhattap, BUU-nyń turaqty damý maqsattaryna jetýge baǵyttalǵan.
Festıval aıasynda bilim berý, ınklıýzııa, jumyspen qamtý jáne ekologııa máseleleri men jastar saıasatynyń negizgi mindetteri talqylandy.Festıvaldiń ár kúni Tájikstannyń túrli qalalarynda ótedi. Is-shara Dýshanbe, Aını, Penjakent, Istaravshan jáne Hýdjand qalalarynda uıymdastyrylady. Festıval baǵdarlamasyna bilim berý jáne pikirtalas alańdary, startap zerthanalary, sporttyq jarystar, sondaı-aq mádenı oıyn-saýyq syndy is-sharalar engizilgen.