BUU shtab-páterinde ótken Iаdrolyq qarýǵa tyıym salý týraly shartqa qatysýshy memleketterdiń konferensııasyna Qaraǵandy oblysynyń delegasııasy da qatysty. О́ńirden barǵan delegasııa ókilderi Semeı ıadrolyq polıgonynyń zardabyn tartqan álemge áıgili sýretshi Káripbek Kúıikovtiń sýretterimen, oblystyq tarıhı-ólketaný mýzeıiniń qorynan «Polıgon jańǵyryǵy» atty fotokórmemen tanystyrdy.
Iаdrolyq qarýdy taratpaý jónindegi konferensııa – úkimetterdi, ǵalymdardy, belsendiler men azamattyq qoǵam ókilderin qosa alǵanda, álemniń túpkir-túpkirinen delegattardy jınaıtyn álemdik arenadaǵy mańyzdy oqıǵa. Kórme qatysýshylardyń nazaryn beıbitshilikti saqtaý jónindegi jahandyq kúsh-jigerdiń mańyzdylyǵyna aýdardy. Káripbek Kúıikov kórmesi, sondaı-aq murajaı qoryndaǵy fotokórme konferensııa boıy jumys istedi.
Kórmege kún saıyn 100-den astam adam kelip, olardyń árqaısysy Káripbek Kúıikovtiń ónerine, Qazaqstannyń ıadrolyq qarýdy taratpaý qozǵalysyna qosqan erekshe úlesine tánti boldy.
– Semeı polıgony – KSRO-nyń ıadrolyq synaq polıgondarynyń biri, asa mańyzdy strategııalyq nysanasy boldy. KSRO ıadrolyq synaq júrgizýge Qazaqstandy tańdady. О́ıtkeni dalalyq jeri kóp, halyq sany az. Qazaqstanda 1949 jyly alǵash ret synaq bastaldy. Semeı polıgony jabylǵanǵa deıin qazaq dalasynda qanshama jarylys jasaldy. Ata-anam sol synaqtardy óz kózimen kórgen. Kartınalarymda sol ıadrolyq jarylys sátin, synaqtyń zardaby tıgen qazaq shańyraǵyn beıneledim, – deıdi sýretshi.
Káripbek óneriniń arqasynda álemdegi beıbitshilik jáne ıadrolyq qarýmen kúrestiń rámizine aınalǵan jan. Kartınalarynda adamzattyń qasiretin jetkizdi. Onysyn álem moıyndady. Álemniń birneshe elinde Káripbek Teltaıulynyń kartınalary kórmege qoıyldy. Sondaı-aq ol «Nevada-Semeı» halyqaralyq antııadrolyq qozǵalysynyń belsendisi bolyp, Semeı ıadrolyq polıgonynyń jabylýyna zor úles qosty. Onyń ár týyndysynda kúres, úmit, beıbit ómirge umtylý bar.
Qaraǵandy oblysy