Jeke ınvestısııaǵa salynǵan eki zaýyt

«Birinshi kezeń iske qosylǵan soń zaýyt jylyna 100 myń ónerkásiptik akkýmýlıator shyǵara bastaıdy. Tolyq qýaty – 200 myń akkýmýlıator. Qazir 150 turaqty jumys orny qurylǵan, keleshekte onyń sany 300-ge jetpek. Búginde 10 mlrd teńge ınvestısııa tartyldy. Kásiporyn eksportqa baǵdarlanǵan. Son­dyqtan ónimder el ishine ǵana emes, О́zbekstan, Túrikmenstan, Qyrǵyzstan, Ázer­baıjan, Reseıge de jetkiziledi», deıdi kásiporyn­nyń bas dırektory Erbol Ájmaǵambetov.

«Taldyqorǵan» ındýstrııalyq aıma­ǵyn­da ornalasqan avtoklavty qataıtatyn gazbeton bloktaryn shyǵaratyn kásiporyn­­nyń óndiristik qýaty – jylyna 150 myń tekshe metr. Mamyrdyń aıaǵy men maýsymnyń basynda iske qosylady dep josparlanǵan.

«Qaraýsyz qalǵan ǵımaratty satyp alyp, rekonstrýksııa júrgizdik. Qazir qajetti jab­­dyqtar ornatylýda. О́ńirde kirpishtiń osy túrlerin óndiretin kásiporyn joq. Biz jer­­gi­lik­ti shıkizatty qoldanamyz. Negizi­nen da­ıyn ónimdi oblys aýmaǵynda satamyz. Zaýyt ǵımaratynan basqa keńsemiz, qyzmetkerlerge arnalǵan ashanasy bar jataqhanamyz  bar. Qazir 30 adam jumys isteıdi. Zaýyt iske qosylǵannan keıin jumys oryny sany 70-ke deıin ulǵaıady», deıdi «Stalbeton» JShS kommersııalyq dırektory Dınara Orynbasar.

Kásiporynda jumysshylar – aıyna 300-350 myń teńge, bas energetık 1 mln teńgege deıin jalaqy alady. Jobaǵa 3 mlrd teńgeden astam ınvestısııa quıylǵan. Bolashaqta memleket tarapynan qoldaý alyp, qu­ry­lys­qa qajetti qurǵaq qospamen emýlsııa shy­ǵa­ra­tyn zaýyt ashý josparda bar.

Oblys ákimi Beıbit Isabaevtyń aıtýyn­sha, zaýyt ǵımaratyna deıin ınjenerlik ınfraqurylymdy júrgizý máselesinde qoldaý kórsetiledi. Ákimdik málimetinshe, aımaqta 565 ónerkásip orny jumys isteıdi, onyń 14-i – iri, 11-i – orta kásiporyn. О́nerkásip óndirisiniń kólemi 2025 jylǵy qańtar-aqpan aılarynda 54,5 mlrd teńgeni qurap, naqty kólem ındeksi 120,9%-ǵa jetken.

Jetisý oblysy