Búgin shamamen saǵat 10:30-da Tólepov pen Jılstroevskaıa kósheleriniń qıylysynda júk kóligi men jeńil avtokólik soqtyǵysqan. Apat saldarynan 25 jastaǵy júrgizýshi qaza tapty, dep habarlaıdy Egemen.kz.
Aldyn ala málimetter boıynsha, Shacman markaly júk kóliginiń júrgizýshisi ekinshi jolmen kele jatyp, basymdyqqa ıe Lada Granta kóligine jol bermegen. Sonyń saldarynan eki kólik qatty soqtyǵysqan.
Jol apatynyń saldarynan Lada Granta kóligin tizgindegen 25 jastaǵy júrgizýshi oqıǵa ornynda kóz jumǵan. Al kóliktegi jolaýshy túrli jaraqattarmen aýrýhanaǵa jetkizilgen.
Qaıtys bolǵan azamattyń qaýipsizdik agenttiginde qyzmet atqarǵany belgili boldy. Qazirgi tańda atalǵan fakti boıynsha qylmystyq is qozǵalyp, tıisti sot-medısınalyq saraptamalar taǵaıyndalyp jatyr.