3 tamyz kúni tańerteń Qaraǵandy oblysynda oryn alǵan jol apatynan 42 jastaǵy motosıkl júrgizýshisi oqıǵa ornynda kóz jumdy, dep habarlaıdy Egemen.kz oblystyq Polısııa departamentine silteme jasap.
Oqıǵa saǵat 07:30 shamasynda Almaty – Ekaterınbýrg baǵyty boıynsha, Qaraǵandy qalasynan Balqashqa qaraı bir shaqyrym jerde tirkelgen.
Polısııanyń málimetinshe, motosıkl júrgizýshisi aldyndaǵy Kia Sportage kóligimen soqtyǵysqan. Kólik patrýl qyzmetine tıesili arnaıy avtokólik bolǵany týraly beıresmı aqparat tarady, alaıda bul ázirge resmı túrde naqtylanbady.
«Jol-kólik oqıǵasy saldarynan 42 jastaǵy motosıkl júrgizýshisi oqıǵa ornynda qaza tapty. Atalǵan derek boıynsha QR Qylmystyq kodeksiniń 345-baby (Kólik quraldaryn júrgizýshi adamdardyń jol qozǵalysy nemese kólik quraldaryn paıdalaný qaǵıdalaryn buzýy) boıynsha sotqa deıingi tergep-tekserý bastaldy. Tıisti saraptamalar taǵaıyndaldy», – delingen Qaraǵandy oblystyq Polısııa departamenti taratqan habarlamada.
Sońǵy kezderi motosıkl júrgizýshileri arasynda jol apatyna túsý jıilegen.