Prezıdent ortalyǵynda Konstıtýsııanyń 30 jyldyq mereıtoıyna oraı «Qazaqstan Respýblıkasynyń Konstıtýsııasyna 30 jyl: myqty memleket, erkin qoǵam, jaýapty azamat» atty sarapshylar kezdesýi ótti. Is-sharany Prezıdenttik ortalyq pen «Respublica» partııasy uıymdastyrdy.
Prezıdenttik ortalyqtyń dırektorynyń orynbasary Serik Sydyqov jıynǵa qatysýshylardy Konstıtýsııa kúnimen quttyqtap otyz jyldyqta Konstıtýsııamyzdyń túrli syrtqy jáne ishki syn-qaterlerge tótep bergenine qatysty oıyn ortaǵa saldy.
«Árıne, konstıtýsııalyq reformalar aıaqtaldy deı almaımyz. Aldaǵy ýaqytta reformalar úzdiksiz júre beredi. Konstıtýsııalyq normalardy ózektendirý jáne olardyń iske asyrylýyn baqylaý boıynsha áli de kóp jumys atqarylýy qajet. Menińshe, konstıtýsııalyq reformany jasaý tek saıası erik-jigerge baılanysty emes. Bul oraıda reformalarǵa qoǵamnyń daıyn bolýy asa mańyzdy. Sol sebepti de biz memleketpen qatar qoǵamdyq bılikti kúsheıtýge kúsh jumsaýǵa tıispiz», dep atap kórsetti.
Al «Respublica» partııasynyń tóraǵasy, Parlament Májilisiniń depýtaty Aıdarbek Hodjanazarov otyz jyl ishinde Konstıtýsııa táýelsizdikti nyǵaıtýǵa, qoǵamdyq kelisimdi saqtaýǵa jáne demokratııalyq memleket qurýǵa berik tirek bolǵanyna toqtaldy.
«Ata zań Qazaqstanǵa qalyptasýdyń kúrdeli kezeńderinen ótýge, ótpeli kezeńniń qıyndyqtaryn eńserýge jáne qazirgi qoǵamnyń negizin qalaýǵa múmkindik berdi. Biz búgin Prezıdenttik ortalyqpen birlese otyryp, elimizdiń Konstıtýsııasynyń tarıhyn ǵana emes, elimizdiń quqyqtyq qujattyń bolashaǵyn da talqylap otyrmyz. Qazirgi qoǵam úshin quqyqtyń ústemdigi, ádilet, barlyq azamatqa teń múmkindikter týǵyzý, jeke adamnyń qadir-qasıetin qurmetteý syndy negizgi qaǵıdattary óte ózekti. Bul máselelerdi jalań uran etpeı, memlekettiń ishki damý baǵytyn belgileıtin, keleshek Qazaqstannyń qandaı bolatyndyǵyn aıqyndaıtyn naqty baǵdarǵa aınaldyrýymyz kerek. Dál osy qundylyqtar bizdiń Ádiletti Qazaqstanǵa degen ortaq kózqarasymyzdy qalyptastyrady», dedi A.Hodjanazarov.
Parlamentarızm ınstıtýtynyń dırektory Natalıa Pan keıingi jyldary jasalyp jatqan birqatar mańyzdy reformaǵa qatysty oı-pikirin ortaǵa saldy.
«Búgingi tańda demokratııalyq negizderdi nyǵaıtýǵa, azamattardyń quqyqtary men bostandyqtaryn keńeıtýge, sondaı-aq neǵurlym teńdestirilgen bılik júıesin qurýǵa baǵyttalǵan reformalar sátti júrgizilip jatyr. Atap aıtsaq, 2022 jyly Prezıdenttiń bastamasymen ótken referendýmnan keıin Parlamenttiń ókilettigi keńeıtildi, azamattardyń tikeleı júginý quqyǵymen Konstıtýsııalyq sot quryldy, Prezıdenttiń partııalyq qyzmetteri retke keltirildi, parlamenttik baqylaý kúsheıtildi», dedi.
Is-shara aıasynda azamattyq qoǵam men quqyq qorǵaý uıymdarynyń sarapshylary túrli taqyrypta baıandamalar jasap, konstıtýsııalyq qurylysty damytýdyń negizgi baǵyttary men quqyqtyq saýattylyq deńgeıin arttyrý, sondaı-aq jastar men azamattardyń konstıtýsııalyq mádenıetti qalyptastyrýǵa belsendi qatysýyn yntalandyrý, t.b sekildi máselelerdi qoǵam nazaryna usyndy. Jıyn sońynda sarapshylyq kezdesýdiń qorytyndysy retinde arnaıy Qaýly qabyldandy.