Jıyn-terim jalǵasyp jatyr

Oblystyq aýyl sharýa­shy­lyǵy basqarmasy málimetine súıensek, qazir 3,9 myń gektar júgeri alqaby shabylyp, 28 myń tonna dán jınalǵan. Bıyl oblys bo­ıynsha júgeriden 308 myń tonna ónim alý josparlanyp otyr.

«Búginge deıin jalpy 439,7 myń tonna astyq bastyryldy. Onyń ishinde bıdaı, arpa, suly, júgeri, kúrish bar. Ortasha túsim gektaryna 18,3 sentnerdi qurap otyr. Jınalǵan astyqtyń 260 myń tonnadan astamy mal azyǵyna ótkizilse, 179,4 myń tonnasy qoımaǵa ornalastyryldy 12,6 myń gektar alqap nemese 11,8% maıly daqyl ónimi jınalyp, gektarynan 17,7 myń tonna ónim alyndy», deıdi oblystyq Aýyl sharýashylyǵy basqarmasynyń basshysy Nur­dáýlet Kenenbaev.

Onyń aıtýynsha, 6,3 myń gektarǵa sebilgen kartoptyń 4,9 myń gektary nemese 78,2%-y jınalyp, 104,5 myń tonna ónim alyndy. Ár gektardyń ónim­diligi 213,9 sentnerden aınaldy. Kókónis alqabynyń 5,6 myń gektary nemese 82,1%-y jınalyp, 169,7 myń tonna ónim alyndy. Ortasha ónimdilik – gektaryna 301,6 sentner. Baqsha daqyldary tolyǵymen jınalyp, 48 myń tonnadan astam ónim alyndy.

Oblys ákiminiń baspasóz qyzmetiniń málimetinshe, bıyl oblysta kúzgi dala jumystaryna 7 myń tonna arzandatylǵan dızel otyny bólingen. Mıneral­dy tyńaıtqyshtardy qoldaný kóle­min 58,8 myń tonnaǵa jetkizý jos­parlanýda. Búginde 1 904 sharýa qojalyǵy tarapynan 50,7 myń tonna nemese 86,3%-y satyp alynyp, paıdalanylǵan. Kóktemgi egis jáne jınaý jumystaryn júrgizýge Agrarlyq nesıe korporasııasynan 14,3 mlrd teńge bólingen. Qazir 323 ótinim boıynsha 7,4 mlrd teńge nesıe berilipti. О́tinim qabyldaý jumystary jalǵasyp jatyr.

Odan bólek, sharýalar 130 myń tonna kartop jınalady dep kúte­di. Oblysta 6 250 gektar jerge kartop egildi. Sonyń búginge deıin 65,5%-y jı­nalyp, 87,5 myń tonna ónim qam­baǵa quıyldy. Kartop jı­naýǵa Eskeldi aýdanynyń sharýa­shylyqtary da belsene kiris­ken. Bul aýdanda bıyl aýyl sharýa­shylyǵy daqyldarynyń jalpy egis alqaby 53 408 gektar bolsa, sonyń 1 116 gektaryna kartop sebilgen.

Jetisý oblysy