Ulttyq Sýrdlımpıada komıtetiniń vıse-prezıdenti Arsen Shaqýovtyń aıtýynsha, jantúrshigerlik jol apatynan qaza tapqan jeti adamnyń beseýi – Sýrdlımpıada ardagerleri bolǵan, dep habarlaıdy Egemen.kz.
Bul týraly Arsen Shakýov Facebook-paraqshasynda jazdy.
Qaza tapqan sport ardagerleriniń esimderi:
Asyl Ibraıymov – estý qabileti buzylǵan sportshylar arasyndaǵy fýtbol jattyqtyrýshysy. Dmıtrıı Mochalskıı – shahmattan Sýrdlımpıada chempıony, shahmattan estý qabileti buzylǵan sportshylar arasyndaǵy Eýropa chempıony. Sáken Smaǵulov – estý qabileti buzylǵandar arasyndaǵy fýtbol ardageri, estý qabileti buzylǵandar arasyndaǵy fýtboldan ulttyq qurama múshesi. Sergeı Volkovınskıı – estý qabileti buzylǵandar arasyndaǵy fýtbol ardageri, estý qabileti buzylǵandar arasyndaǵy fýtboldan ulttyq qurama múshesi. Serik Moldashev – estý qabileti buzylǵandar arasyndaǵy fýtbol ardageri, estý qabileti buzylǵandar arasyndaǵy fýtboldan ulttyq qurama múshesi.Esterińizge sala keteıik, Almaty-Bishkek tas jolynyń 129-shaqyrymynda jeńil kólik júk kóliginiń tirkemesimen soqtyǵysyp, saldarynan jeti adam mert boldy. Atalǵan jol-kólik oqıǵasyna qatysty qylmystyq is qozǵalyp, tergeý amaldary júrgizilip jatyr.