Almatyda sezilgen jer silkinisinen keıin ǵylymı seısmologııa ortalyǵynyń komıssııasy qaıtalama tolqýlardyń yqtımaldyǵyna qatysty arnaıy jıyn ótkizip jatyr, dep habarlaıdy Egemen.kz.
«Qaıtalama tolqýlarǵa qatysty ǵylymı seısmologııa ortalyǵynyń komıssııasy jıyn ótkizip jatyr. Onyń nátıjesi boıynsha seısmologtar boljamdyq komıssııanyń qorytyndysyn jarııalaıdy», delingen habarlamada.
Habarlanǵandaı, belgilengen ózara is-qımyl algorıtmine sáıkes barlyq tıisti memlekettik organdarǵa jedel túrde habar berilgen. Qalada yqtımal zaqymdanýlar men buzylýlardy anyqtaý, sondaı-aq, ómirdi qamtamasyz etý nysandarynyń jumys isteýine monıtorıng júrgizilip jatyr.
Jer silkinisinen keıin qalada TJM psıhologtary jumys isteıtin «jedel jeli» ashyldy.
Buǵan deıin, Almatyda 4 jeltoqsan saǵat 12:45 shamasynda jer silkingenin habarlaǵan edik.
Qalalyq ákimdik barlyq habarlandyrý júıeleri shtattyq rejımde jumys istegenin atap ótti. Turǵyndarǵa Mass Alert júıesi arqyly eskertý joldanyp, qaladaǵy dabyl júıeleri iske qosylǵan. Saýda ortalyqtarynda, qoǵamdyq oryndarda, mektepter men kolledjderde evakýasııa júrgizilgen.