«Qaırat» klýbynyń bas bapkeri Rafael Ýrazbahtın 17 jastaǵy Dastan Sátpaev Chempıondar lıgasy matchtarynan uzaq merzimge shettetilýi múmkin degen aqparatty joqqa shyǵardy, dep habarlaıdy Egemen.kz.
Onyń aıtýynsha, bul jaı ǵana áleýmettik jeli men medıada «haıp» jasaý úshin taralǵan málimet.
«Sátpaev uzaq dıskvalıfıkasııa alýy múmkin degen aqparatty kim taratyp júr? Mende ondaı derek joq. Kim jazyp júr, solardan surańyz», dedi bapker.
Belgili bolǵandaı, «Kopengagenge» qarsy oıynnyń (2:3) besinshi týrynda Sátpaev úshinshi sary qaǵazyn alyp, bir matchtan avtomatty túrde shettetilgen edi.
Alaıda matchtan keıin bapker Sátpaevtyń bul eskertýi ózimen kelise otyryp alynǵanyn aıtty.
Aıta keteıik, Dastan Sátpaev jaraqatyna baılanysty Grekııanyń «Olımpıakos» fýtbol klýbyna qarsy kezdesýde alańǵa shyqpaıdy.