23 jeltoqsan kúni tańerteń Almaty – О́skemen tasjolynyń 681 shaqyrymynda qaıǵyly jol-kólik oqıǵasy boldy. Abaı oblysynyń Polısııa departamentiniń málimetinshe, «Yutong» markaly jolaýshylar avtobýsy men «KamAZ-5320» júk kóligi soqtyǵysqan, dep habarlaıdy Egemen.kz.
Apat saldarynan avtobýs júrgizýshisi alǵan jaraqattarynan oqıǵa ornynda jan tapsyrdy. Sonymen qatar úsh jolaýshy medısınalyq kómekke júgingen. Dáriger tekserisinen ótken soń, zardap shekkender úılerine jiberildi.
Qazirgi ýaqytta atalǵan derek boıynsha polısııa sotqa deıingi tergeý amaldaryn bastady. Tıisti sot saraptamalary taǵaıyndalyp, olardyń qorytyndysy boıynsha túpkilikti prosessýaldyq sheshim qabyldanatyn bolady.