Almatyda «Jańa jyl elimizdi aralap keledi» atty dástúrli jańa jyldyq Prezıdent shyrshasy saltanatty túrde uıymdastyryldy. Merekelik is-sharaǵa Almaty ákimi Darhan Satybaldy qatysty, dep jazady Egemen.kz.
Merekege 300 bala shaqyryldy. Olardyń qatarynda balalar úıiniń tárbıelenýshileri men ata-anasynyń qamqorlyǵynsyz qalǵan balalar, az qamtylǵan jáne kópbalaly otbasylardan shyqqan búldirshinder, erekshe bilim berý qajettiligi bar balalar, sondaı-aq oqý, sport jáne shyǵarmashylyq salasynda jetistikke jetken daryndy oqýshylar bar.
Prezıdent Qasym-Jomart Toqaevtyń atynan Almaty ákimi Darhan Satybaldy jas qonaqtardy kele jatqan Jańa jylmen quttyqtap, zor densaýlyq, baq-bereke, oqýda tabys jáne armandarynyń oryndalýyn tiledi.
Balalar úshin artısterdiń, shyǵarmashylyq ujymdardyń, ertegi keıipkerleri men anımatorlardyń qatysýymen mazmundy merekelik baǵdarlama uıymdastyryldy. Is-shara sońynda barlyq qatysýshylarǵa jańa jyldyq syılyq tabystaldy.
Jańa jyldyq Prezıdent shyrshasy — jyldan jylǵa jalǵasyp kele jatqan ıgi dástúr. Bul mereke balalarǵa qýanysh syılap, olardyń jan-jaqty qoldaý kórip jatqanyn sezindirýge, sondaı-aq óskeleń urpaqqa degen qamqorlyq pen aıryqsha nazardyń mańyzyn aıqyndaı túsedi.