Qytaı Taıvan aralynyń aınalysynda bes birdeı aımaqty qorshap, aýqymdy áskerı daıyndyǵyn bastaıtynyn jarııalady. 30 jeltoqsanǵa josparlanǵan bul sharaǵa qurlyq, teńiz, áýe jáne zymyran áskerleriniń bólimsheleri qatysady, dep habarlaıdy Egemen.kz.
Reuters agenttiginiń málimetinshe, jattyǵý barysynda áýe men teńiz keńistigin patrýldeý jáne joǵary jaýyngerlik daıyndyq deńgeıi pysyqtalady. Osyǵan baılanysty aral mańyndaǵy bes aımaqta 10 saǵat boıy kólik qatynasyna shekteý qoıylmaq. Bul 2022 jyldan bergi altynshy iri áskerı daıyndyq.
Aımaqtaǵy jaǵdaı Japonııa men Qytaı arasyndaǵy dıplomatııalyq teketiresten keıin tipti ýshyǵa tústi. Qarasha aıynda Japonııa premer-mınıstri Sanae Takaıchı Taıvanǵa shabýyl jasalsa, Tokıonyń ujymdyq qorǵanys quqyǵyn qoldanýy múmkin ekenin aıtqan bolatyn. Beıjiń bul málimdemege qatań narazylyq bildirip, Japonııaǵa yqtımal saldarlar týraly eskertý jasady.