Kaspıı qubyr konsorsıýmynyń (KTK) teńiz termınaly rezervýarlar parkiniń tolýyna baılanysty munaı qabyldaýdy ýaqytsha toqtatty, dep habarlaıdy Egemen.kz.
Energy monitor telegram arnasynyń málimetinshe, Novorossıısk aýmaǵynda 30-31 jeltoqsan kúnderi kúshti daýyl bolady dep kútiledi. Aýa raıynyń qolaısyzdyǵy tankerlerge munaı tıeý jumystaryn qıyndatyp, sonyń saldarynan termınaldyń rezervýarlar parki tolyp ketken.
Osy jaǵdaıǵa baılanysty keshe Qarashyǵanaq jobasy munaı óndirý kólemin aıtarlyqtaı shektedi. Rezervýarlardyń tolýyna oraı elimizdegi basqa da iri munaı óndirýshi kompanııalar da jaqyn arada óndiris deńgeıin tómendetýge májbúr bolady.
Eske sala keteıik, 29 qarashada Novorossıısk porty aýdanynda KTK-nyń teńiz ınfraqurylymyna ushqyshsyz qurylǵylar shabýyl jasap, nátıjesinde VPÝ-2 tıeý qurylǵysy aıtarlyqtaı zaqymdalǵan bolatyn.