Roza Baǵlanova atyndaǵy «Qazaqkonsert» memlekettik akademııalyq konserttik uıymynyń Qazaq memlekettik sımfonııalyq orkestri kórermenge fortepıano mýzykasynyń keshin usyndy, dep habarlaıdy Egemen.kz.
Konserttik baǵdarlamada D.Shostakovıchtiń №2 konserti, S.Rahmanınovtyń tańdamaly prelıýdııalary jáne A. Skrıabınniń etıýdteri oryndaldy.
Mýzyka keshinde Reseı jáne Bashqurtstannyń Halyq ártisi, P.I.Chaıkovskıı atyndaǵy jáne Lıdstegi bedeldi halyqaralyq baıqaýlardyń laýreaty – Vladımır Ovchınnıkov, Reseıdiń eńbek sińirgen ártisi, Gnesınder atyndaǵy Reseı mýzyka akademııasynyń professory, bedeldi halyqaralyq konkýrstardyń jeńimpazy jáne mártebeli «Steinway Artist» ataǵynyń ıegeri – Iýrıı Bogdanov óner kórsetti.
Eske salaıyq, Qazaq memlekettik sımfonııalyq orkestri 1991 jyly Qazaqstan Respýblıkasynyń Halyq ártisi, orkestrdiń kórkemdik jetekshisi Aıman Musahadjaevanyń bastamasymen qurylǵan edi.