Qazaqstan Donald Tramp bastamashy bolǵan jańa halyqaralyq qurylym – Beıbitshilik keńesiniń negizin qalaýshy memleketterdiń biri retinde resmı mártebe aldy, dep habarlaıdy Egemen.kz.
Atalǵan uıym BUU Qaýipsizdik keńesine jahandyq balama retinde usynylyp otyr. Qujattarǵa resmı qol qoıý 22 qańtar kúni Davostaǵy Dúnıejúzilik ekonomıkalyq forým aıasynda ótti.
Bul jobaǵa shaqyrýlar tańdaýly memleketterge ǵana joldanǵan, al Astana quryltaıshylar qataryna qosylý týraly usynysty qabyldady. Buǵan deıin kóp talqylaýǵa sebep bolǵan qarjylyq másele de naqtylandy: 1 mıllıard dollar kólemindegi jarna erikti. Ony tólemeý uıymdaǵy múshelik mártebege áser etpeıdi, alaıda qarjy bólgen elder belgili bir preferensııalarǵa ıe bola alady.
Osylaısha, Qazaqstan halyqaralyq qatynastardyń jańa arhıtektýrasyn qalyptastyrýǵa resmı túrde qatysyp otyr.
22 qańtarda Prezıdent Beıbitshilik keńesiniń Jarǵysyna qol qoıǵan bolatyn.
Beıbitshilik keńesi BUU-ǵa balama qurylymǵa aınalýy múmkin be?