Ustaz – tek bilim berýshi ǵana emes, ol shákirttiń dúnıetanymyn qalyptastyryp, onyń ómirlik baǵytyn aıqyndaýǵa yqpal etetin tulǵa. Qoǵamnyń rýhanı, zııatkerlik damýy eń aldymen osyndaı ustazdardyń parasaty men tabandy eńbegine baılanysty. Sondyqtan urpaq tárbıesi jolynda aıanbaı qyzmet etip júrgen pedagogterge qurmet kórsetý – azamattyq paryz.
О́zim bilim alyp júrgen Ál-Farabı atyndaǵy Qazaq ulttyq ýnıversıtetinde osyndaı bilikti ustazdardyń tálimin kórip kelemin. Solardyń biri – ǵylymı jetekshim, asa qadirli ustazym Baqytgúl Ilesova. Ol – sanaly ǵumyryn bilim men ǵylym salasyna arnaǵan tájirıbeli pedagog. Qazirgi tańda Ál-Farabı atyndaǵy Qazaq ulttyq ýnıversıtetiniń Aqparattyq júıeler kafedrasynda kafedra meńgerýshisiniń oqý-ádistemelik jáne tárbıe isi jónindegi orynbasary ári aǵa oqytýshy qyzmetin atqarady. Ustazdyq jolynda úlken jaýapkershilik tanytyp, bolashaq mamandardy daıarlaý isine eleýli úles qosyp júr.
Ustazdyń shynaıy bolmysy tek kásibı biliktiligimen ǵana emes, shákirtterge degen janashyrlyǵy men adamgershilik qasıetteri arqyly aıqyndalady. Baqytgúl Eralyqyzynyń talapshyldyǵy, iskerligi, bilimge degen adaldyǵy stýdentterge árdaıym úlgi. Onyń eńbegi talaı shákirttiń ǵylym men bilim jolyna senimmen qadam basýyna sebep bolyp otyr.
Bilim salasynda tabysty eńbek etý – úlken tózimdilikti, tereń bilimdi jáne júrek jylýyn talap etedi. Osy turǵydan alǵanda, Baqytgúl Ilesova – óz mamandyǵyna adaldyq tanytyp kele jatqan abzal jan. Onyń ónegeli joly men ulaǵatty isi – jas urpaqqa, áriptesterine úlgi. Osyndaı oqytýshylardyń eseli eńbegi arqyly bilim ordalarynyń bedeli artyp, el erteńin senip tapsyratyn bilikti mamandar qalyptasady.
Jannur ZATYHAN,
Ál-Farabı atyndaǵy QazUÝ-dyń 4-kýrs stýdenti