Balalardy qorǵaý kúnine oraı Astana, Almaty, Ekibastuz qalalarynda otandyq fılmder men anımasııalyq týyndylardyń tegin kórsetilimderi ótti.
Is-sharalardy «Sh.Aımanov atyndaǵy Qazaqfılm» kınostýdııasy janyndaǵy «Qazaqanımasııa» shyǵarmashylyq birlestigi uıymdastyrdy.
Astanadaǵy Ulttyq áskerı-patrıottyq ortalyqta, Ekibastuzdaǵy Jastar bastamalaryn damytý ortalyǵynda merekelik oıyn-saýyq baǵdarlamalarynan keıin kórermenge tolyqmetrajdy «Altyn adam» anımasııalyq fılmi usynyldy. Týyndyǵa batyldyq, ádildik, meıirimdilik pen otansúıgishtik sekildi qundylyqtar arqaý bolǵan.
Almaty qalasyndaǵy «Arman» kınoteatrynda kórsetilimder eki zalda qatar ótti. Qyzyl zalda byltyr jaryq kórgen qysqametrajdy anımasııalyq fılmder toptamasy kórsetilse, Kók zalda balalarǵa arnalǵan «Jabaıy» kórkem fılmi usynyldy. Fılm adam men janýar arasyndaǵy dostyq, qamqorlyq pen adaldyq taqyryptaryn qozǵaıdy.
Uıymdastyrýshylardyń aıtýynsha, mundaı mádenı is-sharalar balalardyń bos ýaqytyn mazmundy ótkizýge múmkindik berip qana qoımaı, ulttyq kıno men anımasııa ónerin keńinen nasıhattaýǵa baǵyttalǵan.