Qyrǵyzstan alǵash ret BUU Qaýipsizdik Keńesiniń turaqty emes múshesi atandy. Kórshi el daýys berýdiń tórtinshi týrynda 142 daýys jınap, Azııa-Tynyq muhıty óńiri atynan úmitker bolǵan Fılıppın memleketinen basym tústi, dep habarlaıdy Egemen.kz.
2027-2028 jyldarǵa arnalǵan quramǵa Qyrǵyzstanmen birge Aýstrııa, Portýgalııa, Trınıdad jáne Tobago men Zımbabve saılandy. Olar ókilettik merzimi aıaqtalatyn Grekııa, Danııa, Pákistan, Panama jáne Somalı elderiniń ornyn basady.
BUU Qaýipsizdik Keńesi 15 memleketten turady. Onyń bes turaqty múshesi – Ulybrıtanııa, Qytaı, Reseı, AQSh jáne Fransııa. Bul elder veto quqyǵyna ıe.
Turaqty emes múshelikke saılaný úshin memleketter BUU-ǵa múshe elderdiń keminde úshten ekisiniń, ıaǵnı 127 daýysynyń qoldaýyn alý qajet. Qyrǵyzstan bul mejeden asyp túsip, 142 daýys jınady.
Toqaev pen Erdoǵan BUU rólin kúsheıtý týraly ortaq baılamǵa keldi
Bul Qyrǵyzstannyń BUU Qaýipsizdik Keńesindegi alǵashqy músheligi sanalady. El óz ókilettigin 2027 jylǵy 1 qańtardan bastap atqaryp, 2028 jylǵy 31 jeltoqsanda aıaqtaıdy.
Aıta keteıik, Qazaqstan buǵan deıin Qaýipsizdik Keńesiniń turaqty emes múshesi retinde 2017-2018 jyldary jumys istegen. Elimiz Ortalyq Azııadan BUU Qaýipsizdik Keńesine saılanǵan alǵashqy memleket boldy.
Eske sala keteıik, 2014 jyldan beri Qazaqstannyń 900-den astam áskerı qyzmetshisi BUU mıssııalaryna qatysty.