Almaty qalasynyń Jetisý aýdanynda polıseıler sheteldik azamatty Almaty oblysyndaǵy eldi mekenderdiń birine aparýǵa májbúrlegen er adamdy ustady, dep habarlaıdy Egemen.kz.
Polısııa departamentiniń málimetinshe, oqıǵa Soltústik aınalma kóshesinde bolǵan. Patrýldeý kezinde polısııa ekıpajyna Kia avtokóligi kelip toqtaǵan. Sheteldik júrgizýshi kólikten júgirip shyǵyp, tártip saqshylarynan kómek suraǵan.
Anyqtalǵandaı, kóliktiń artqy oryndyǵynda otyrǵan jolaýshy júrgizýshige tapanshaǵa uqsas zatpen qorqytyp, ózin kórsetilgen mekenjaıǵa jetkizýdi talap etken.
Býrabaıda taýda adasqan 9 sheteldik týrıst qutqaryldy
Polıseıler avtokólikti qorshaýǵa alyp, kúdiktini ustady. Tekserý barysynda odan tárkilengen zattyń oıynshyq tapansha ekeni belgili boldy.
Oqıǵa boıynsha sotqa deıingi tergep-tekserý bastaldy. Qazir oqıǵanyń barlyq mán-jaıy anyqtalǵan.
Eske salaıyq, buǵan deıin Almaty taýlarynda jaraqat alǵan sheteldiktiń qutqarylǵany týraly habarlaǵanbyz.