Qazaqstanda balaly otbasylardy qoldaýǵa baǵyttalǵan keshendi áleýmettik júıe qalyptasqan. Memlekettik qoldaý bala dúnıege kelgen sátten bastalyp, ony tárbıeleý kezeńinde de jalǵasady. Qazirgi tańda balaly otbasylarǵa arnalǵan járdemaqylardyń bes negizgi túri qarastyrylǵan, dep habarlaıdy Egemen.kz.
Bala týǵan kezde birjolǵy memlekettik járdemaqy tólenedi. Onyń mólsheri birinshi, ekinshi jáne úshinshi balaǵa – 164 350 teńge, al tórtinshi jáne odan keıingi balalarǵa – 272 475 teńge.
Jumys isteıtin áıelder úshin júktilik pen bosanýǵa, sondaı-aq jańa týǵan balany asyrap alýǵa baılanysty tabysynan aıyrylǵan jaǵdaıda áleýmettik tólem qarastyrylǵan. Onyń kólemi sońǵy 12 aıdaǵy ortasha tabysqa baılanysty esepteledi. 2026 jylǵy 1 mamyrdaǵy málimet boıynsha bul tólemniń ortasha mólsheri 1,2 mıllıon teńgeni qurady.
Balasy kámelet jasyna tolǵandar járdemaqydan qaǵyla ma?
Sonymen qatar jumys isteıtin analarǵa bala 1,5 jasqa tolǵanǵa deıin kútim jasaý kezeńinde áleýmettik tólem tólenedi. Onyń mólsheri sońǵy eki jyldaǵy ortasha tabystyń 40 paıyzyna teń. Mamyr aıynyń basyndaǵy derek boıynsha ortasha tólem kólemi 86 062 teńgeni quraǵan.
Múmkindigi shekteýli bala tárbıelep otyrǵan otbasylarǵa aı saıyn 81 871 teńge kóleminde járdemaqy beriledi.
Kópbalaly otbasylarǵa erekshe qoldaý kórsetiledi. Tabys deńgeıine qaramastan aı saıynǵy járdemaqy mynadaı mólsherde tólenedi:
4 balasy bar otbasylarǵa – 69 330 teńge; 5 balasy bar otbasylarǵa – 86 673 teńge; 6 balasy bar otbasylarǵa – 104 017 teńge; 7 balasy bar otbasylarǵa – 121 360 teńge.Budan bólek, «Altyn alqa» jáne «Kúmis alqa» alqalarymen marapattalǵan analarǵa da memlekettik qoldaý sharalary qarastyrylǵan.
Járdemaqy kólemi arta ma? Eńbek mınıstrligi jaýap berdi
Búginde elimiz boıynsha 630 myńnan astam kópbalaly otbasy túrli járdemaqylarmen qamtylyp otyr. Bul áleýmettik qoldaý sharasy halyqty qoldaýǵa baǵyttalǵan eń iri memlekettik baǵdarlamalardyń biri sanalady.