Atyraýda úsh kún boıy toqtaýsyz jaýǵan jańbyr saldarynan aryqtaǵy sý arnasynan asyp, turǵyn úılerdiń aýlasyna jaıyldy, dep habarlaıdy Egemen.kz.
Tolassyz jaýǵan aq jaýyn kólik qozǵalysyn qıyndatyp, mektepter men balabaqshalardyń aýmaǵyna jaıylǵan. Qala ákimdiginiń málimetinshe, shaharda kommýnaldyq qyzmetter kúsheıtilgen rejımge kóshirilgen. Qazir 40-tan astam tehnıka táýlik boıy sý sorý jáne tazartý jumystaryn júrgizip jatyr.
«Úsh kún ishinde 27 mıllımetr jaýyn-shashyn tústi. Bul maýsym aıyndaǵy ortasha aılyq normanyń 158 paıyzyna teń. Qazirgi ýaqytta negizgi kóshelerde, aryq júıesinde, áleýmettik nysandar aýmaǵynda jáne «109» baılanys ortalyǵyna túsken ótinishter boıynsha jumystar atqarylyp jatyr», dedi Atyraý qalasy ákiminiń baspasóz hatshysy Erkenaz Qalıjan.
Naızaǵaı men qatty jel: Búgin aýa raıy qandaı bolady?
Eske sala keteıik, buǵan deıin «Qazgıdromet» mamandary mamyr aıynyń sońynda eldiń batysynda jańbyr jaýatynyn habarlaǵan edi.