Qazaqstanda tutynýshylyq nesıeleý naryǵynyń qarqyny báseńdep keledi. Sarapshylardyń málimetinshe, bıylǵy jyldyń alǵashqy toqsanynda bólshek nesıeleý kólemi 4,4 paıyzǵa qysqarǵan, dep habarlaıdy Egemen.kz.
Ásirese tutynýshylyq nesıelerdi berý kórsetkishi aıtarlyqtaı tómendep, 7 paıyzǵa azaıdy. Bul segment barlyq bólshek nesıelerdiń basym bóligin – shamamen 85 paıyzyn quraıdy. Qazir bankter kepilmen qamtamasyz etilgen qaryzdarǵa kóbirek basymdyq berip otyr.
Sonymen qatar nesıeler boıynsha paıyzdyq mólsherlemeler de ósip jatyr. Eldegi bólshek nesıelerdiń ortasha mólsherlemesi 20,9 paıyzǵa jetip, úsh aıdyń ishinde 2,7 paıyzdyq tarmaqqa artqan. Eń kóp qymbattaǵan ónimderdiń qatarynda avtonesıeler men kepilsiz qaryzdar bar.
Mamandar keńesi: Nesıe alarda neni eskerý kerek?
Ulttyq bank pen Qarjy naryǵyn retteý jáne damytý agenttiginiń nesıege degen suranysty shekteýge baǵyttalǵan sharalary da óz nátıjesin bere bastady. Jyl basynan beri tutynýshylyq nesıege berilgen ótinimder sany 10,7 paıyzǵa qysqarǵan.
Ipotekalyq nesıege qyzyǵýshylyq tómendegen. Azamattar turǵyn úı nesıesine byltyrǵy kezeńmen salystyrǵanda 20,7 paıyzǵa az júgingen.
Tabysynan 8 ese kóp qaryzy barlarǵa nesıe berilmeıdi: Ulttyq bank jańa shekteý engizedi
Sarapshylardyń aıtýynsha, aldaǵy ýaqytta bankter qaryz berý talaptaryn odan ári qatańdatýy múmkin. Ásirese ıpotekalyq nesıe alý qıyndap, qaryz júktemesiniń tabysqa qatynasyn esepteıtin jańa koeffısıenttiń engizilýi maquldanbaıtyn ótinimder sanyn arttyrýy yqtımal. Sonymen qatar nesıege suranystyń tómendeý úrdisi saqtalady degen boljam bar.