Atyraýda áıeliniń otbasy múshelerin óltirdi dep aıyptalǵan Sultan Sársemalıevke qatysty sot otyrysy jalǵasyp jatyr. Sotta Qarabalınder otbasynyń malyn baqqan turǵyn kýálik berdi, dep habarlaıdy Egemen.kz.
Turǵynnyń aıtýynsha, 2025 jyldyń qarasha aıynda Maqsot Qarabalınniń qoı kezegi kelgen kezde ol onyń ornyna mal baǵyp, eńbekaqysyn Kaspi qosymshasy arqyly alyp otyrǵan.
«Malyn kúndelikti baqtym. 25-i kúni qyrdaǵy maly keldi. Qys boıy eki aı sony da baqtym. Naýryzǵa aqsha kerek bolǵanda jazyp turdym, sol kezde aýdardy. Kúndelikti aqsha aýdarǵan joq. 2026 jyldyń 25 qańtaryna deıin baǵyp berdim. Eki aı jumysyma bir baspaq beredi dep kelistik», dedi kýá.
Onyń aıtýynsha, 2025 jyldyń qarasha aıynyń ortasynda Naýryz Muqanǵalıev «anasyn emdetý úshin» aqsha qajet ekenin aıtyp, óz ornyna adam jiberip malyn satatynyn aıtqan. Kýá bul proseske óziniń qatysy bolmaǵanyn jáne tek maldy kórsetip bergenin jetkizdi.
Kýáger telefon arqyly habarlama jazǵan adamdy buǵan deıin qaza bolyp ketken Naýryz Muqanǵalıev dep oılaǵanyn aıtty.
Eske sala keteıik, osyǵan deıingi sot otyrysynda sottalýshynyń ákesi Samıǵolla Sársemálıev pen anasy kýá retinde jaýap bergen bolatyn. Sultan Sársemalıev Naýryz Muqanǵalıevti óltirgenin jasyrý úshin qalǵan otbasy múshelerin de óltirgenin málimdegen edi.