Memleket basshysy Qasym-Jomart Toqaev Tý kóterý rásiminde sóz sóılep, el turǵyndaryn Memlekettik rámizder kúnimen quttyqtady, dep habarlaıdy Egemen.kz.
Prezıdent Memlekettik rámizderdiń el birligi men táýelsizdigin aıqyndaıtyn mańyzdy nyshandar ekenin atap ótti.
«Barshańyzdy Memlekettik rámizder kúnimen shyn júrekten quttyqtaımyn! Bul – qasıetti Otanymyz – Qazaq eliniń árbir azamaty úshin mańyzy erekshe mereke. Biz osy kúni baıraǵymyzdy bıikke kóteremiz. Sol arqyly eńseli, egemen el ekenimizdi kúlli álemge pash etemiz. Qasterli rámizderimiz – ult qundylyqtarynyń jarqyn sımvoly. Memleketimizdiń ár nyshany halqymyzdyń bolmys-bitiminiń kórinisi sanalady. Eltańba – eldigimizdiń aıshyqty belgisi. Ánuran – azattyǵymyzdyń aıbyndy úni. Kók Týymyz – Táýelsizdik tumary. Tóbemizge kóterip, qadir tutatyn osy úsh rámizdi memlekettigimizdiń myzǵymas úshtaǵany desek, artyq bolmaıdy. Tarıhqa úńilsek, jurtymyz árqashan bir týdyń astyna jınalyp, yntymaq-birligin saqtaı bilgen. Qazir de elimiz aýyzbirshiligin nyǵaıtyp, alǵa qaraı senimmen qadam basyp keledi», dedi Qasym-Jomart Toqaev.
Búgin – Memlekettik rámizder kúni
Buǵan deıin Qasym-Jomart Toqaev elordadaǵy «Atameken» etnomemorıaldy kesheninde ótken Memlekettik tý kóterý rásimine qatysty.