Elimizdiń jetekshi hırýrgııalyq ortalyǵynda 800-shi ret búırekti transplantattaý operasııasyn sátimen atqardy. Bul operasııa otandyq transplantologııa salasyndaǵy aıtýly jetistik qana emes, Qazaqstandaǵy joǵary tehnologııalyq medısınalyq kómektiń damý deńgeıiniń joǵary ekenin kezekti ret dáleldedi, dep habarlaıdy Egemen.kz.
Operasııa akademık Bolatbek Baımahanovtyń jetekshiligimen ótti. Sozylmaly búırek jetkiliksizdiginiń termınaldyq satysymen aýyratyn 14 jastaǵy qyz bala sońǵy bir jylda perıtonealdyq dıalızge asa táýeldi bolǵan.
Qyz balaǵa óz anasy donor boldy. Qyzyn aman alyp qalý úshin anasy óziniń bir búıregin berýge sheshim qabyldady. Almatylyq dárigerlerdiń joǵary kásibıliginiń arqasynda operasııa sátti ótti.
Dátke qýat jasandy búırek
Qazir pasıenttiń jaǵdaıy birqalypty. Alda ońaltý kezeńi kútip tur. Odan keıin ol tolyqqandy ómirge oralatyn bolady.