Bishkektiń Birinshi maı aýdandyq sotynda qyrǵyz qoǵamynda rezonans týdyrǵan «75 hat» isi boıynsha sot otyrysy jalǵasyp jatyr. Sotta fıgýranttardyń biri retinde Qyrǵyzstan Ulttyq qaýipsizdik memlekettik komıtetiniń burynǵy tóraǵasy Qamshybek Táshıevtiń isi qaralyp jatyr, dep habarlaıdy Egemen.kz.
Táshıevtiń qorǵaýshysy Ikramıdın Aıtqulovtyń málimdeýinshe, sot qorǵaýshylarǵa úsh qupııa kýágerdiń jaýap alý hattamalarymen tanysýǵa múmkindik bermegen. Osyǵan baılanysty advokattar sýdıaǵa qarsylyq bildirdi.
Jábirlenýshi taraptyń sózinshe, qylmystyq is materıaldarynda úsh jasyryn kýágerdiń aıǵaqtary bar. Alaıda bul qujattar buǵan deıin advokattarǵa usynylmaǵan. Olar zań boıynsha kýágerdiń jeke basyna qatysty málimetter ǵana qupııa saqtalýy kerek ekendigin, al aıǵaqtardyń mazmuny proseske qatysýshylarǵa qoljetimdi bolýy kerektigin aıtyp otyr.
Qyrǵyzstan alǵash ret BUU Qaýipsizdik Keńesiniń múshesi atandy
Sot otyrysyna kýáger retinde Bishkektiń burynǵy meri Isa О́mirqulov pen Qyrǵyzstannyń О́zbekstandaǵy burynǵy elshisi Ibragım Júnisov shaqyryldy. Ekeýi de basshylyqta bolǵan jyldary «75 hat» dep atalǵan qujatqa qol qoıǵan.
Aıta keteıik, buǵan deıin Qyrǵyzstannyń burynǵy premer-mınıstri Danııar Úsenovtiń uly Ýrmat Úsenov Almaty qalasyndaǵy tergeý ızolıatoryna qamalǵanyn jazǵan edik. Ol kalıan temekisin satý men zańsyz kásipkerlik júrgizý isi boıynsha kúdikti retinde tanylyp otyr.