Halyqaralyq balalardy qorǵaý kúnine oraı mánerlep syrǵanaýdan álem chempıonatynyń júldegeri, sportshy Mıhaıl Shaıdorov erekshe qaıyrymdylyq aksııasyn uıymdastyrdy, dep habarlaıdy Egemen.kz.
Sportshy Almaty qalasyndaǵy №3 balalar men jasóspirimder sport mektebinde jattyǵatyn jas sportshylarǵa qoldaý kórsetip, sporttyq jabdyqtar satyp alýǵa arnalǵan sertıfıkattar tabystady. Qaıyrymdylyq kómektiń jalpy kólemi 6 mıllıon teńgeni qurady.
30 jas sportshynyń árqaısysyna 200 myń teńgelik sertıfıkat berilgen. Bul qarajat balalardyń qajetti sporttyq qural-jabdyqtar alýyna múmkindik beredi.
О́z sózinde Mıhaıl Shaıdorov óskeleń urpaqty qoldaýdyń mańyzyn atap ótti.
«Qoldaý bildirgen barshańyzǵa alǵys aıtamyn. Balalarǵa qýanysh syılap, olardyń óz kúshine degen senimin arttyra alǵanyma qýanyshtymyn», dedi sportshy.
Aıta keteıik, buǵan deıin Mıhaıl Shaıdorov aqpan aıynan beri jalaqy almaǵanyn málimdegen bolatyn. Keıin bul máselege qatysty Týrızm jáne sport mınıstrligi túsinikteme berip, sportshyǵa jańa kelisimshart usynylǵanyn habarlaǵan edi.
Olımpıada chempıondary da Mıhaıl Shaıdorov tóńiregindegi daýǵa baılanysty pikir bildirdi.