Sanaýly saǵattar ishinde el turǵyndary zeınetaqy jınaqtaryndaǵy qarajatyn aýdaryp ala alady. Sebebi elimizde 5 maýsymnan bastap zeınetaqy shottaryndaǵy jetkiliktilik shekterin esepteýdiń jańa ádistemesi kúshine enedi, dep habarlaıdy Egemen.kz.
Buǵan deıin Premer-mınıstr Oljas Bektenov zeınetaqy jınaǵyn paıdalaný shegin anyqtaý ádistemesin ózgertý týraly qaýlyǵa qol qoıǵan bolatyn. Jańa erejege sáıkes, zeınetaqy shotynda qalýǵa tıis eń tómengi soma aıtarlyqtaı artýy múmkin. Bul óz kezeginde azamattardyń zeınetaqy jınaqtaryn alý múmkindigin shekteıdi.
Mamandardyń aıtýynsha, jańa tártip engizilgenge deıin salymshylar shekti mólsherden asqan qarajatyn paıdalaný úshin ótinish bere alady. Ol úshin ótinishti enpf-otbasy.kz platformasy arqyly 5 maýsymǵa deıin tapsyrý qajet.
Burynǵy esepteý júıesi azamattyń bolashaq jarnalaryn eskerýge negizdelse, jańa tásil zeınetke shyqqannan keıin ómir boıy tólenetin tólemderdi qamtamasyz etýge qajetti somany esepteýge baǵyttalǵan.
Esepteý kezinde ınvestısııalyq tabystylyq, jyl saıynǵy ındeksasııa, azamattyń jasy, ómir súrý uzaqtyǵy jáne zeınetaqy alý merzimi sııaqty faktorlar eskeriledi.
Eske sala keteıik, buǵan deıin zeınetaqydan aqsha alý qıyndaýy múmkin ekendigin jazǵan bolatynbyz.