Búginde bizdiń memleketimizdiń negizgi is-qımyldarynyń biri – Túrki memleketteri uıymy aıasynda uıymǵa múshe eldermen ekijaqty jáne kópjaqty baılanystardy odan ári nyǵaıtý, neǵurlym tyǵyz qarym-qatynastar ornatý, ózara is-qımyldy baıytýǵa baǵyttalǵanyn basa aıtý kerek. Atap aıtsaq, Ázerbaıjan – Qazaqstan qatynastary qazir tarıhtyń eń jarqyn kezeńin bastan ótkerip jatyr.
Sonyń ishinde ortaq tarıhı qundylyqtary, mádenı murasy bar baýyrlas halyqtarymyzdyń yntymaqtastyǵy bıik belesterdi baǵyndyra bildi. Sebebi bizder ata-babalarymyzdyń rýhyn asqaqtatyn strategııalyq baǵytty ustanamyz jáne ári qaraı da bolashaq urpaqqa osy joldy amanat etemiz. Prezıdentter Ilham Álıev pen Qasym-Jomart Toqaevtyń berik dostyq, shynaıy baýyrlastyq qarym-qatynasy bizdiń halyqtarymyzdy da jaqyndastyryp, tatý kórshilik baılanystardy arttyryp otyr. Baýyrlas elderimiz ekijaqty nemese halyqaralyq arenada bir-birine joǵary qoldaý kórsetip keledi.
Memleketter basshylarynyń ekijaqty saparlary qos eldiń saıası, ekonomıkalyq, kommersııalyq jáne basqa da praktıkalyq qyzmet salalaryndaǵy baılanystaryna lepti úles qosady. Qazaqstanmen kóptegen saladaǵy yntymaqtastyǵymyz eki eldiń tujyrymdaryna sáıkes jalǵasyn taýyp jatyr. Transkaspıı baǵytyn iske qosý bizdiń elderimizdiń tranzıttik baılanystaryn arttyryp qana qoımaı, bizben ekonomıkalyq-kommersııalyq yntymaqtastyqty jolǵa qoıǵan basqa elder tarapynan eleýli qyzyǵýshylyq týdyrady. Aıta ketý kerek, Ázerbaıjan men Qazaqstan búginde kóptegen baǵyttar boıynsha tranzıttik júk tasymaldaýdy júzege asyryp jatyr. Bul ekonomıkalyq-saýda máselesi ǵana emes, Ázerbaıjan men Qazaqstannyń kóptegen salalardaǵy strategııalyq mańyzyn álemge tanytady.
Qazaqstan basshysynyń elimizge sapary barysynda qol qoıylǵan qujattar birqatar salalardaǵy yntymaqtastyǵymyzdyń damýyna erekshe yqpal etedi.
Fızýlı qalasynda Qazaqstan Prezıdenti Qasym-Jomart Toqaevtyń bastamasymen Qurmanǵazy atyndaǵy balalar shyǵarmashylyǵy ortalyǵy salynyp, paıdalanýǵa berilgeni – memleketterimiz ben halyqtarymyz arasyndaǵy dostyqtyń, baýyrlastyqtyń taǵy bir jarqyn kórinisi.
Ádil ÁLIEV,
Ázerbaıjan Respýblıkasy Ulttyq Májilisiniń vıse-spıkeri