Buqar jyraý aýdanynda kemeńger Abaıdyń 180 jyldyq mereıtoıyna oraı ádebı aıaldamalar jelisi qurylyp keledi. Endi jolaýshylar aıaldamada aqynnyń óleńderin oqıdy.
Mundaı rýhanı aıaldamalardyń alǵashqysy Kókpekti aýlynda ashylǵan edi. Onda QR-kod ornatylǵan. Ony kókpektilikter men aýyl qonaqtary, jolaýshylar skanerlep Abaıdyń óleńderin oqyp, onyń shyǵarmalarynyń aýdıo nusqasyn da tyńdaı alady. Jáne aqynnyń ómiri men shyǵarmashylyǵynan mol maǵlumat alady. Osylaısha, aıaldama mádenı-aǵartý alańyna aınaldy.
Osyndaı nusqadaǵy aıaldama aýdannyń Botaqara kenti men Doskeı aýylynda da paıda boldy. Olar mádenı-aǵartýshylyq úlgide bezendirilip, stendterinde Abaıdyń ómirbaıany, óleńderi men qara sózderinen úzindiler, aqynnyń ómir súrgen dáýirin beıneleıtin fotosýretter men ıllıýstrasııalar ornalastyrylǵan. Ulttyq oıý-órnektermen jáne qanyq tústermen bederlengen aıaldama eldi mekenderge erekshe kórik berip tur.
– Abaıdyń ádebı aıaldamalary abattandyrý nysany ǵana emes, óskeleń urpaqqa kemeńgerdiń sońynda qaldyrǵan máńgilik murasyn eske salýdyń bir joly, – deıdi osy joba bastamashylary.
Qaraǵandy oblysy,
Buqar jyraý aýdany