Qostanaıda sıfrlandyrý baǵdarlamasy sheńberinde "Aqyldy" jaryqtandyrý jobasy júzege asyrylyp jatyr. Qala kóshelerin jaryqtandyrýdy jańa tehnologııa arqyly basqarýǵa kóshirýge bıýdjetten 513 mln teńge kóleminde qarjy bólingen, - dep habarlaıdy Egemen.kz.
Atalǵan júıe elektr qýatynyń qosylýy men sóný ýaqytyn avtomatty rejimde retteýge, qashyqtan elektr eseptegish kórsetkishterin alýǵa, sanksııalanbaǵan qosý jaǵdaılaryn baqylaýǵa jáne jelide aqaý paıda bolǵanda jedel áreket etýge múmkindik beredi.
Taǵy bir jaǵymdy jańalyq – Qostanaıdaǵy demalys saıabaqtarynda tegin Wi-Fi paıda bolady. Atap aıtqanda taıaý kúnderi qala turǵyndary Ortalyq saıabaqta, Jastar býlvarynda, Gashek kóshesi boıyndaǵy Tobyl jaǵalaýynda, sondaı-aq Jeńis saıabaǵynda aqysyz ınternetke kirý múmkindigine ıe bolady. Aımaq basshysy bul tizimge jańa salynyp jatqan trıatlon saıabaǵyn da qosýdy tapsyrdy.
Sonymen qatar Gashek kóshesindegi Tobyl jaǵalaýy men Jeńis saıabaǵyna beınebaqylaý qurylǵylary ornatylady. Buǵan 100 mln teńge qarastyrylyp otyr.
Qostanaı oblysy