Pavlodar oblysynda provızorlyq gospıtalderge túsip jatqan syrqattar sany azaıdy. Aımaqta ázirlengen 3600 orynnyń 35 paıyzy bos tur. Dári-dármek qoryn jasaqtaý úshin óńir bıýdjetinen 600 mln. teńge qarjy bólingen, - dep habarlaıdy Egemen.kz Qazaqstan ulttyq arnasyna silteme jasap.
Medısınalyq preparattar kelip jatyr, tapshylyq joq. Oblys ákimi Ábilqaıyr Sqaqov aýrýhanalardy aralap, aldyńǵy shepte jumys istep jatqan dárigerlermen kezdesti. Qazir stasıonarlarda 2 myńnan asa naýqas jatyr. Shilde aıynyń sońyna deıin olarǵa ottegi jetkizip otyratyn nysandar sany eki ese kóbeıtiledi-dedi óńir basshysy. Qazir oblys boıynsha 14 myńnan asa adam úılerinde em qabyldaýda.
"Jedel járdem shaqyrtýlary táýligine 1120 deıin jetken kúnder boldy. Qazir shamamen 800 den aspaıdy. Keshe 684 shaqyrtý bolypty. Bul 40 paıyzǵa tómendegeniń, ıaǵnı, syrqattanýshylar sanıy azaıǵandyǵyn bildiredi", - deıdi oblys ákimi.