Qyrǵyz-tájik shekarasyndaǵy oqıǵa saldarynan 13 adam qaıtys boldy. 134 adam jaraqat alǵan. Bul týraly Qyrǵyzstan densaýlyq saqtaý mınıstrligi málimdedi, dep habarlaıdy Egemen.kz Kabar agenttigine silteme jasap.
Jıyrma bes jaraly adam Batkennen Bishkekke arnaıy ushaqpen jetkizildi. Olar Travmatologııa jáne ortopedııa ǵylymı-zertteý ortalyǵy, Ulttyq gospıtal jáne el astanasyndaǵy Ulttyq hırýrgııa ortalyǵyna jatqyzyldy. Eki naýqastyń jaǵdaıy aýyr, qalǵandary ortasha jáne salystyrmaly túrde qanaǵattanarlyq.
Eske sala ketsek, 28 sáýir kúni Qyrǵyzstan men Tájikstan shekarasynda eki el turǵyndary ózara kelispeı, arty qaqtyǵysqa ulasyp ketti.
Keshe Qazaqstan Prezıdenti Qasym-Jomart Toqaev oqıǵaǵa baılanysty pikir bildirdi.