Sońǵy aptada elimizde koronavırýstyń anyqtalǵan jaǵdaıy 4 myńǵa deıin tómendedi. Bul týraly QR Densaýlyq saqtaý mınıstri Alekseı Soı aıtty, dep habarlaıdy Egemen.kz.
«Qazirgi ýaqytta aýrý taralýy tómendeýiniń oń dınamıkasy baıqalady jáne epıdemıologııalyq ahýal birtindep turaqtanyp keledi. Sońǵy aptada sáýir aıynyń sońy men mamyr aıynyń basyndaǵy aýrý-syrqaý kórsetkishimen salystyrǵanda koronavırýs ınfeksııasy jaǵdaıynyń anyqtalǵan sany 4 myńǵa deıin tómendedi. Tolyqtaı alǵanda aýrýǵa shaldyǵý 20 paıyzǵa tómendep otyr», dedi QR Densaýlyq saqtaý mınıstri Úkimet otyrysynda.