Qyrǵyzstannyń Syrtqy ister mınıstrligi Tájikstan elshisin shaqyrtyp, narazylyq notasyn bildirdi, dep habarlaıdy Egemen.kz.
Narazylyq notasyn bildirý sebebi tájik sarbazdary men áskerı tehnıkasynyń qyrǵyz aýmaǵyna ótýi.
Qyrǵyz baspasóziniń habaralýynsha, kórshi el shekaraǵa qatysty buǵan deıin qol jetkizilgen barlyq kelisim men 1 mamyrda qorǵanys mınıstrlikteriniń ótkizgen kezdesýininiń hattamalaryn buzǵan.
Eske sala keteıik, Qyrǵyzstannyń Ulttyq qaýipsizdik komıtetiniń habarlaýynsha, búgin túnde Tájikstan tarapy Qyrǵyzstannyń 1 myń metr aýmaǵyna kirip, konteıner qoıǵan. Sondaı-aq shekara mańyna áskeri men tehnıkasyn shoǵyrlandyra bastaǵan. Qyrǵyzstannyń Syrtqy ister mınıstrligi ókilderiniń málimdeýinshe, Tájikstan shekarashylary baılanysqa shyqpaı otyr. Osy rette resmı Bishkek kórshi elden konteınerlerin alyp tastap, áskeri men tehnıkasyn áketýin talap etti.