Memleket basshysyna munaı kompanııasynyń Qazaqstandaǵy qazirgi júrgizip jatqan jumystary men elimizdiń kómirsýtegi sektorynda júzege asyrylyp jatqan birqatar birlesken jobalardyń perspektıvasy týraly esep berildi, dep habarlaıdy Egemen.kz Aqordaǵa silteme jasap.
Prezıdentke kompanııanyń Kaspıı teńizi qaırańyndaǵy «Jeńis» jáne «Ál-Farabı» munaı jobalaryndaǵy geologııalyq barlaý jumystarynyń barysy týraly aıtyldy. Budan bólek Qasym-Jomart Toqaevqa byltyr Almaty oblysynda iske qosylǵan «LÝKOIL» zaýytynyń jumysy týraly baıandaldy. Kompanııa basshysynyń aıtýynsha, búginde zaýyt ártúrli jaǵarmaı materıaldarynyń 800-ge jýyq túrin óndirip, óńirdegi elderge eksporttaıdy.
Sonymen qatar Vagıt Alekperov Memleket basshysyna álemdik munaı naryǵynyń qazirgi jaǵdaıy men baǵa belgileýdiń perspektıvasyna qatysty «LÝKOIL» kompanııasynyń ustanymy týraly aıtty.
Qasym-Jomart Toqaev reseılik kompanııanyń áleýmettik mańyzy bar jobalardy iske asyrýǵa atsalysyp otyrǵanyn erekshe atap ótip, onyń Qazaqstan munaı-gaz sektoryn damytýǵa qosqan úlesin joǵary baǵalady.