Elordada koronavırýs juqtyrý kórsetkishi 1 aptada 40 paıyzǵa artyp ketti. Bul týraly Úkimet otyrysynda QR Densaýlyq saqtaý mınıstri Alekseı Soı aıtty, dep habarlaıdy Egemen.kz.
«Qazaqstanda 22 maýsymǵa deıin COVID-19-dyń oń nátıjesimen 410 523 naýqas jáne 56 546 KVI jaǵdaıy tirkeldi. Qazaqstan Respýblıkasy «sary» aımaqta. «Qyzyl» aımaqta Nur-Sultan qalasy qalyp otyr. Qalǵan óńirler «sary» jáne «jasyl» aımaqta tur.
Sońǵy aptada koronavırýs ınfeksııasymen aýrý ósimi 4 paıyzǵa artqany baıqalady. Bul Nur-Sultan qalasynda buǵan deıingi aptamen salystyrǵanda tirkelgen jaǵdaılar sanynyń 40 paıyzǵa artýymen baılanysty», dedi Alekseı Soı.
Onyń dereginshe, aýrýhanalardaǵy ınfeksııanyń tósek-oryndardyń júktemesi 25 jáne jansaqtaý bólimderinde 21 paıyzdy qurap otyr.
«Aýrý kórsetkishi joǵary bolǵan 7 óńirde ınfeksııalyq ta, reanımasııalyq ta tósek-oryndar júktemesiniń tómendeýi baıqalady», dedi mınıstr.