Portýgalııada koronavırýstyń tórtinshi tolqyny bastaldy. Bul týraly osy eldiń Premer-mınısri Antonıo Kosta málimdedi, dep habarlaıdy Egemen.kz.
Aıtýynsha, dertke shaldyqqandardyń 90 prosentinde delta shtamy anyqtalǵan. Vırýs juqtyrý Eýroodaq pen Ulybrıtanııa azamattary úshin shekarany ashqan soń kúrt ósip, indettiń órshýi aqpan aıyndaǵy deńgeıge jetken. Dárigerler vırýsty vaksına saldyrmaǵandar juqtyryp jatqanyn aıtady.
Portýgalııada búgingi kúnge deıin koronavırýsqa qarsy halyqtyń 38 paıyzy egilgen.
Portýgalııa halqynyń úshten bir bóligi qazirdiń ózinde tolyǵymen vaksınalanǵanyn eskere otyryp, 10 mıllıon halqy bar Eýropa eli vaksınasııa deńgeıi boıynsha álemde birinshi orynǵa shyqty. Bir táýlikte jergilikti turǵyndardyń shamamen 1,49% -y vaksına alady.
Pandemııanyń taǵy bir tolqynynyń aldyn alý úshin Portýgalııa úkimeti eń kóp zardap shekken 45 mýnısıpalıtetke, onyń ishinde el astanasy Lıssabon men eldiń ekinshi úlken qalasy Portoda túngi ýaqytta komendanttyq saǵatty engizýge sheshim qabyldady.