Ýhan vırýsologııa ınstıtýty koronavırýsty sıntezdemegen, ony jasandy jolmen shyǵaryp, taratpaǵan. Bul týraly Ýhan ulttyq bıologııalyq qaýipsizdik zerthanasynyń dırektory, ınstıtýttyń ǵylymı qyzmetkeri Iýan Chjımın málimdedi, dep habarlaıdy RIA Novostı.
«2019 jyldyń 31 jeltoqsanyna deıin Ýhan vırýsologııa ınstıtýty COVID-19-dy zerttemegen. Ýhan vırýsologııa ınstıtýty eshqashan koronavırýsty sıntezdemegen, ony jasandy jolmen shyǵaryp, taratpaǵan. Jáne de ınstıtýttyń birde-bir qyzmetkeri men stýdenti osy kúnge deıin COVID-19 juqtyrmady», dedi Iýan Chjımın brıfıngte.
Sondaı-aq ol vırýstyń qoldan jasalyp ne zerthanadan taraǵanyna qatysty birde-bir dálel joǵyn atap ótti.
«Ǵalymdar arasynda COVID-19 jasandy jolmen jasalǵan degen konsensýs bar. Sarapshylar búginde vırýstyń jasandy jolmen óndirilip ne zerthanadan taraǵanyna qatysty dálel joq ekeni týraly málimdemeler jasady», deıdi Iýan Chjımın.