Densaýlyq saqtaý mınıstri Alekseı Soı Úkimettiń kezekti otyrysynda elimizdegi epıdjaǵdaı týraly baıandady, dep habarlaıdy Egemen.kz.
Mınıstrdiń aıtýynsha, aýrýhanalaryndaǵy tósek-oryn 56 paıyzǵa tolyp tur.
«Epıdahýaldy baqylaý matrısasyna sáıkes, Qazaqstan Respýblıkasy 26 maýsymnan beri «qyzyl» aımaqta. 3 tamyzdaǵy jaǵdaı boıynsha, aýrýhanalardaǵy tósek-orynnyń 56 paıyzǵa tolyp tur. Almaty, Shymkent qalalary men Atyraý, Qaraǵandy oblystary «qyzyl-qońyr» aımaqta tur», dedi Soı Úkimet otyrysynda.
Mınıstr Qazaqstan buǵan deıin jasalǵan boljam boıynsha optımıstik ssenarıımen kele jatqanyn atap ótti.
«Tamyz-qyrkúıek aılaryndaǵy epıdahýalǵa boljam jasaıtyn bolsaq, biz optımıstik ssenarıı boıynsha kele jatyrmyz. Optımıstik ssenarııdiń aldaǵy damýy karantın rejımin saqtap, vaksınasııa qarqynyn kóbeıtýmen baılanysty bolady», dedi mınıstr.