Bul týraly US News basylymy málimdedi, dep jazady Egemen.kz.
Djons Hopkıns ýnıversıteti málimeti boıynsha, AQSh-ta COVID-19-dan qaıtys bolǵandar sany 676 075-ke jetken.
Ispan tumaýy buryn Amerıka Qurama Shtattaryndaǵy eń qaýipti aýrý sanalǵan. Aýrýdy baqylaý jáne aldyn alý ortalyǵynyń málimeti boıynsha, 1918 jylǵy pandemııa kezinde 675 myń amerıkalyq qaıtys bolǵan, aýrý tolqyny shamamen eki jylǵa sozylǵan.Qazirgi ýaqytta AQSh-ta koronavırýspen baılanysty ólim-jitim álemde tirkelgen 4,7 mıllıonǵa jýyq ólimniń shamamen 19 paıyzy boldy. El halqy álem halqynyń shamamen 4,2 paıyzyn quraıtynyn eskersek, bul úlken kórsetkish.
«Meniń oıymsha, búkil álem Amerıka pandemııanyń alǵashqy satysynda durys jumys jasamaǵanyn biledi», dedi Ulttyq allergııa jáne juqpaly aýrýlar ınstıtýtynyń medısına tarıhshysy Devıd Morens.
Buǵan deıin Dúnıejúzilik densaýlyq saqtaý uıymy AQSh-ta koronavırýs juqtyrǵandar sany 28 mıllıonnan asqanyn jáne COVID-19 qurbandarynyń sany úsh soǵystaǵy shyǵyndardan asyp túskenin málim etken. Osyǵan baılanysty aqpannyń aıaǵynda Baıden koronavırýstan qaıtys bolǵan amerıkalyqtarǵa bes kúndik aza tutý jarııalady.