Búgin «sary» aımaqqa ótken Atyraý oblysynda qaýipti vırýsqa shaldyǵyp, jaǵdaıy nasharlaǵan 30 naýqas jansaqtaý bóliminde jatyr, dep habarlaıdy Egemen.kz.
Oblystyq densaýlyq saqtaý basqarmasy baspasóz qyzmetiniń málimetine súıensek, ınfeksııalyq stasıonarlarda 418 naýqas emdelip jatyr.
«Qazir óńirdegi 2 352 tósek-orynǵa arnalǵan ınfeksııalyq stasıonarlardaǵy júkteme 17,7% qurap otyr. Stasıonarlardaǵy 90 oryndyq jansaqtaý bóliminde 30 pasıent oqshaýlanǵan. Onyń ishinde jaǵdaıy óte aýyr 3 naýqas ókpeni jasandy jeldetý apparatyna qosylǵan. Bul bólimdegi júktemeniń úlesi – 33,3 paıyz», dep málim etti basqarmanyń baspasóz qyzmetinen.