QR Parlament Senatynda birqatar zańnama aktilerine ózgerister men túzetýler engizýdi kózdeıtin zań jobasy birinshi oqylymda maquldandy, dep habarlaıdy Egemen.kz.
«Qazaqstan Respýblıkasynyń keıbir zańnamalyq aktilerine memlekettik satyp alý, jer qoınaýyn paıdalanýshylar men tabıǵı monopolııalar sýbektileriniń satyp alýy, baılanys, avtomobıl kóligi men qorǵanys máseleleri boıynsha ózgerister men tolyqtyrýlar engizý týraly» zań jobasyn QR Qarjy mınıstri Erulan Jamaýbaev tanystyrdy.
Onyń aıtýyna qaraǵanda, qujat jobasy 4 negizgi túzetýdi qamtıdy. Olar: - bir kózden satyp alýdy qysqartý; - sybaılas jemqorlyq táýekelderdi tómendetý; - memlekettik satyp alý týraly zańnamany jetildirý; - jer qoınaýyn paıdalanýshylardyń, tabıǵı monopolııalar sýbektileriniń, baılanys, avtomobıl kóligi men qorǵanys satyp alýyn jetildirý.
Senat depýtattary zań jobasyn talqylaı kelip, birinshi oqylymda maquldady.