Elordalyq Kólik jáne jol-kólik ınfraqurylymyn damytý basqarmasy qalalyq PD ákimshilik polısııa basqarmasynyń kelisimimen Jetigen kóshesindegi jol tósemin ortasha jóndeý jumystaryn bastady, dep habarlaıdy Egemen.kz.
Jol qozǵalysy qaýipsizdigin qamtamasyz etý maqsatynda Jetigen kóshesinde Dosmuhameduly kóshesinen Alash tasjolyna deıingi ýchaskede jóndeý jumystary júrgizilýde. Osyǵan baılanysty, 15-25 qazan aralyǵynda munda avtokólik quraldary úshin qozǵalys ishinara jabylady.
«Qala joldarynda keptelis týdyrmaý úshin elorda turǵyndary men qonaqtary óz qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy ótinemiz», dep habarlady qalalyq kólik basqarmasy.